စလင်း ဧပြီ ၆
မကွေးတိုင်းဒေသကြီး စလင်းမြို့နယ် စလင်း-စေတုတ္တရာသွား ကားလမ်း ဂွင်ကျင်းကျေးရွာ အရှေ့ဘက်မိုင်တိုင်အမှတ် ၈/၅ နှင့် ၈/၆ အနီးတွင် ဧပြီ ၆ ရက် နံနက် ၄ နာရီခွဲခန့်က ဝါးကား တိမ်းမှောက်ရာ လူနှစ်ဦးသေဆုံးမှု ဖြစ်ပွားခဲ့သည်။
ဖြစ်စဉ်မှာ သစ်ခေါက်တောင်ကျေးရွာအုပ်စု ကိုင်းကြီး ကျေးရွာနေ ဦးတင်ဦးပိုင် လယ်ယာသုံးကုန်တင်ယာဉ်တွင် မျောတိုင်နှင့်ဝါးများတင်ဆောင်၍ ကန်ပြားရွာနေ ဟန်ဝင်းကျော် (၃၅ နှစ်)က မောင်းနှင်လာရာ ဂွင်ကျင်းရွာအရှေ့ဘက် မိုင်တ်ိုင် ၈/၅ အရောက်တွင် ကားရှေ့ဘီးပေါက်ပြီး ကားလမ်းဘေးသို့ ထိုးကျကာ တိမ်းမှောက်ခဲ့သဖြင့် ယာဉ်မောင်း ဟန်ဝင်းကျော်နှင့် ယာဉ်ရှေ့ခန်းတွင် လိုက်ပါစီးနင်းလာသူ ဦးတင်ဦး (၆ဝ နှစ်)သည် ဝါးကားပိ၍ အခင်းဖြစ်ပွားသည့်နေရာမှာပင် သေဆုံး သွားခဲ့သည်။
အဆိုပါ အခင်းဖြစ်ပွားရာနေရာသို့ ကန်ပြားရဲကင်းမှူး ရဲအုပ်ခိုင်လင်းနှင့် ရဲတပ်ဖွဲ့ဝင်များ၊ စလင်းမီးသတ်စခန်းမှ မီးသတ်ဦးစီးမှူး ဦးဌေးမော် ခေါင်းဆောင်သော သန္ဓေမီးသတ် တပ်ဖွဲ့ဝင်များ သွားရောက်၍ ဝါးနှင့်မျောတိုင်များ ပိနေသူ နှစ်ဦးကို ကယ်ထုတ်ခဲ့သော်လည်း ယာဉ်ပေါ် လိုက်ပါလာသူ နှစ်ဦးလုံး ရရှိသောဒဏ်ရာများဖြင့် သေဆုံးခဲ့သည်။ ဖြစ်စဉ်နှင့်ပတ်သက်၍ လင်းဇင်း ရဲစခန်းက အရေးယူဆောင်ရွက်ထားကြောင်း သိရသည်။
စစ်ကြည်(စလင်း)
ဓါတ်ပုံ - Myanmar Fire Services Department
Myanmaalinn
No comments:
Post a Comment
thanks for visiting